Rubutun kur'ani mafi tsawo da masu ziyarar Arbaeen suka rubuta a Karbala
Kamfanin dillancin labaran kur’ani na iqna ya habarta cewa, cibiyar kula da harkokin kur’ani ta kasa da kasa da ke hubbaren Imam Husain ta gudanar da shirin rubuta kur’ani mai tsarki da hannun maziyarta da suka halarci taron na Arbaeen.
Wannan shiri dai yana daga cikin ayyuka na wannan cibiya, wanda kuma dimbin malamai da masu ziyara daga kasashe daban-daban suka halarci shi.
A wata hira da ya yi da shafin gizon hubbaren Imam Hussain, shugaban wannan cibiya Motanzer al-Mansoori ya ce: taron Arbaeen na bana ya shaida muhimman al'amura, daya daga cikinsu shi ne shirin cibiyar mu da kuma goyon bayan makarantar hauza ta kaddamar a Najaf Ashraf ga maziyarta.
Ya fayyace cewa: An gudanar da wannan shiri ne da taken “Alkawari da Alkur’ani”, wanda ke mayar da martani ga kokarin bata littafin Allah.
Al-Mansoori ya kara da cewa: Wannan shiri ya shaida kyakkyawar mu'amala daga masu ziyara daga kasashen duniya daban-daban (maza da mata) a lokacin gudanar da aikin ziyarar Arbaeen, da kuma gudanar da aikin tablig wanda makarantar Hauza ta bayar da gagarumar gudunmawa ta wannnan fuska.
